முக்கியமான நண்பர் : இயக்குநர் செல்வராகவன் பற்றி ஆண்ட்ரியா
‘தனக்கும், இயக்குநர் செல்வராகவனுக்கும் இடையே காதல் இல்லை. அவர் ஒரு முக்கியமான நண்பர் மட்டுமே’ என்று கூறியிருக்கிறார் ஆண்ட்ரியா.
அவர் சமீபத்தில் அளித்த பேட்டியில் கூறியிருப்பதாவது:
“நான் இதுவரைக்கும் ஒரு படத்துக்காக 2 வருடமெல்லாம் சிரமப்பட்டதே இல்லை. அதற்காக க் காத்திருந்ததும் இல்லை. இந்த 2 வருடத்தில் பல படங்களை நழுவவிட்டேன். அதற்காக நான் கொஞ்சமும் வருத்தப்படவில்லை. ஆயிரத்தில் ஒருவன் எவ்வளவு பெரிய புராஜெக்ட் தெரியுமா? செல்வா இதை விரைவாக முடித்திருப்பதே பெரிய சாதனை. இடையில் சில இடைஞ்சல்கள் ஏற்படாமல் இருந்திருந்தால், இன்னும் சீக்கிரம் முடித்திருப்பார்” என்று கூறியுள்ள ஆண்ட்ரியா, செல்வாவுடன் காதல் என்ற கிசு கிசு பற்றி கேட்ட கேள்விக்கு கோபப்பட்டிருக்கிறார்.
அவர் தனக்கு மிகவும் முக்கியமான நண்பர். அவ்வளவுதான் என்று மட்டும் பதில் சொல்லியிருக்கிறார் ஆண்ட்ரியா.
