‘கோ’ பட ஹீரோ ஜீவாவுக்கு விசா இல்லை ‘போ’ :
சீனத் தூதரகம் அழிச்சாட்டியம்
கே.வி.ஆனந்த் இயக்கத்தில் உருவாகும் ‘கோ’ படத்தின் கதாநாயகன் ஜீவாவுக்கு விசா தர, சீனத் தூதரகம் மறுத்திருக்கிறது.
இது பற்றிய விவரம் வருமாறு:
கே.வி.ஆனந்த் இயக்கும் படம் ‘கோ’. இந்தப் படத்தில் சிம்பு நடிப்பதாக இருந்தது. அவர் விலகிக் கொண்டதை அடுத்து ஜீவா நடிக்கிறார். கார்த்திகா கதாநாயகியாக நடிக்கிறார். இப்படத்தின் பெரும்பாலான காட்சிகள் சீனாவில் நடப்பது போல் அமைந்துள்ளது. இதற்காக சீனாவில் படப்பிடிப்பு நடத்த அனுமதியும் வாங்கியாயிற்று. இந்நிலையில், சீன தூதரகத்தைச் சேர்ந்த துணை அதிகாரிகள் ஜீவாவுக்கு விசா தர மறுத்துள்ளனர். இரண்டாவது முறையாக விண்ணப்பம் செய்தும் விசா மறுக்கப்பட்டதைக் கண்டு, அடுத்து என்ன செய்வது என்று விழித்துக்கொண்டிருக்கிறது படப்பிடிப்புக் குழு.
விசா மறுக்கப்பட்டது குறித்து எந்தவித கருத்தும் கூறாமல் மெளனம் காக்கிறார் ஜீவா.
